تعددت الأسباب والموت واحد..!!

عاوز تموت شهيد ؟

ياتعدي شارع فيصل ياتسوق على الدائري بالليل

عاوز تموت م الجوع ؟

ياتتجوز بنت حلوة غاويه نيو لوك ياتسافر تعمل شوبينج في لبنان

عاوز تموت م الحسره ؟

ياتتفرج على جلسات مجلس الشعب يا تتناقش مع ابنك في القيم والأخلاق

عاوز تموت م الغيظ ؟

ياتتفرج على افلام اليومين دول ياتتفرج علي قنوات الفيديو كليب

عاوز تموت م الزهق ؟

ياتدخل على النت من التليفون ياتستنى دورك في عيادة الدكتور الكبير من غير واسطة

عاوز تموت مخنوق ؟

ياتروح تجدد رخصة العربية ياتتفرج على الفضائية المصرية

عاوز تموت مفرووس ؟

ياتتفرج على اعلانات التليفزيون ياتتفرج على ستار اكاديمي

عاوز تموت مرعوووووب ؟

ياتسأل على سعر الشاليه في مارينا ياتروح تحلل المياه اللى بنشربها

عاوز تموت مشهور ؟

ياتغني وصوتك وحش ياتعمل نفسك سفاح المعادي

عاوز تموت مليونير ؟

يا تدي دروس للثانوية العامة ياتنتج فيلم لهيفاء وهبي

عاوز تموت متنكد ؟

ياتتفرج على قناة الجزيرة ياتحاول تفهم إيه إلى بيحصل في العراق

عاوز تموت م الحزن ؟

ياتفكر في أفضل وسيلة للإستفادة من مرتبك ياتقنع ولادك بالمذاكرة والتفوق

جميلة اوى يا مان
ايه الجمال دة
دا انت فايق اوى

ايه الحلاوه دية يا ميجو

انت فقدت جامد اوي

بس الكلام دوة ممكن يتعدل لما تتجوز

الجواز هيغير رايك في كل حاجه

بصراحة عاوز تموت من كل دول عيش في مصر بس لازم تكون مصري لانه في قانون العقوبات رقم 2222222222 من قانون الحياة والوفاة لاتطبق على غير المصريين المقيمين في مصر
وعلى رأى الشاعر الكبير قوي ( انا مش فاكر اسمه قوي بس اسمه فيه حاجة زي الللبن كامل بالدسم )
لو لم اكن مصريا لمت بكل امراض الدنيا او انتحرت كلاهما سيان
واخر كلامي
مت يامصري مصر دي الفقر في اديه

ههههههههههههههههههههههههههههههههههههههههه

حلوه منك يا مانسي
اول مره تقول حاجه تضحك

ماشي يا مانشي كلام كله حكمك والله


ويا تيتو اسمه مانشي مش مانسي

جل من لا يسهو يا ميدو

صح ولا انا مش غلطان